حمزہ علی عباسی کی مولانا فضل الرحمن پر کڑی تنقید

Hamza with Fazal
10اکتوبر2019
(فوٹو اسکرین شاٹ)

ویب ڈیسک: (اسلام آباد) معروف اداکار حمزہ علی عباسی بھی جمعیت علماء اسلام (ف) کے سربراہ مولانا فضل الرحمان کے حکومت مخالف دھرنے کے خلاف میدان میں آ گئے۔

حمزہ علی عباسی نے سماجی رابطے کی ویب سائٹ ٹوئٹر پر کہا کہ افسوس کی بات ہے کہ فضل الرحمان ناموس رسالت ﷺ اور کشمیر جیسے حساس مسئلے کو استعمال کر رہے ہیں تاکہ لوگ اُن کی باتوں کو سن کر اشتعال میں آجائیں۔ آخر کیوں ؟۔

اداکار نے تنقید کرتے ہوئے کہا فضل الرحمان اقتدار میں سے حصہ چاہتے ہیں اس کے باوجود جانتے بوجتے ہوئے بھی لوگوں کو گمرہ کرنا اللہ پاک کے نزدیک بہت بڑا گناہ ہے۔

یہ بھی ملاحظہ کیجئے: حمزہ علی عباسی فلموں میں آئٹم نمبرز شامل کرنے کے خلاف اٹھ کھڑے ہوئے

حمزہ علی عباسی نے اپنی دوسری ٹوئٹ میں یہ بھی کہا کہ اللہ پاک ایسے لوگوں کو ضرور بے نقاب کرتا ہے جو لوگوں کو طاقت اور پیسے کے دم پر بے وقوف بناتے ہیں، کیا منظر ہے کہ پی پی پی، (ن) لیگ، فوج اور عمران خان سے خائف لوگ جو خود کو جمہوریت پسند کہتے ہیں اور فضل الرحمان کی ریلی کی تائید کررہے ہیں تاکہ اپنا مستقبل بچاسکیں یا احتساب سے تھوڑی فرصت پاسکیں۔

Facebook Comments