بھارتی اداکار شاہد کپور کی فلم کے سیٹ پر خوفناک حادثہ، ایک ٹیم رکن کی موت

26جنوری2019
(فوٹو خلیج ٹائمز ڈاٹ کام)

ویب ڈیسک : (ممبئی) نامور بھارتی اداکار شاہد کپوران دنوں فلم ’’کبیرسنگھ ‘‘ کی شوٹنگ میں مصروف ہیں، فلم کے سیٹ پر ایک انتہائی خوفناک حادثہ پیش آیا جس کے نتیجے میں ایک ٹیم ممبر کی موت واقع ہوگئی۔

تفصیلات کے مطابق حادثے میں ہلاک ہونے والا35سالہ ٹیم رکن رام کمار جنریٹرآپریٹر تھا ۔

شوٹنگ شروع ہونے سے قبل ہوٹل میں جنریٹر چیک کرنے گیاکہ اچانک اس کے گلے میں موجود مفلر جنریٹرکے پنکھے کی زد میں آگیا ، اس نے مفلر کو ہٹانے کی کوشش کی لیکن وہ گلے کے گرد پھنس گیا۔

جس کے بعد وہ شدید زخمی ہوگیا ، رام کمار کو اسپتال پہنچایا گیا تاہم وہ جانبر نہ ہوسکا۔

فلم پروڈیوسر نے رام کمارکی موت پر گہرے دکھ اور افسوس کا اظہار کرتے ہوئے کہا کہ ہماری تمام تر ہمدردیاں رام کمار کے گھر والوں کے ساتھ ہیں۔

Facebook Comments