Khushboo ki tarah aaya wo tez hawaaon mein
Manga tha jise hamne din raat duaon mein
Turn chhat pe nahin aaye main ghar se nahi nikla
Ye chaand bahut bhatka saawan ki ghataaon mein
Is shahr mein ik ladki bilkul hai ghazal jaisi
Bijli si ghataon mein khushboo si hawaon mein
Mausam ka ishaara hai khush rahne do bachchon ko
Masoom mohabbat hai phoolon ki khataon mein
Bhagwaan hi bhejenge chawal se bhari thali
Mazloom parindon ki masoom sabhaon mein
Dada bade bhole they sab se yahi kahte they
Kuchh zahr bhi hota hai angrezi dawaaon mein
خوشبو کی طرح آیا وہ تیز ہواؤں میں
مانگا تھا جسے ہم نے دن رات دعاؤں میں
تم چھت پہ نہیں آئے میں گھر سے نہیں نکلا
یہ چاند بہت بھٹکا ساون کی گھٹاؤں میں
اس شہر میں اک لڑکی بالکل ہے غزل جیسی
بجلی سی گھٹاؤں میں خوشبو سی اداؤں میں
موسم کا اشارہ ہے خوش رہنے دو بچوں کو
معصوم محبت ہے پھولوں کی خطاؤں میں
ہم چاند ستاروں کی راہوں کے مسافر ہیں
ہم رات چمکتے ہیں تاریک خلاؤں میں
بھگوان ہی بھیجیں گے چاول سے بھری تھالی
مظلوم پرندوں کی معصوم سبھاؤں میں
دادا بڑے بھولے تھے سب سے یہی کہتے تھے
کچھ زہر بھی ہوتا ہے انگریزی دواؤں میں
