har lamha agar guraiz pa hai
to kyun maray dil mein bas gaya hai
chilman mein ghulaab sambhal raha hai
yeh to hai ke shokhi Saba hai
jhukti nazrain bta rahi hain
mere liye to bhi sochta hai
mein tairay kahe se chup hon lekin
chup bhi to bayan mudda hai
har dais ki apni apni boli
sehraa ka sukut bhi sada hai
ik Umar ke baad muskura kar
to ne to mujhe rulaa diya hai
is waqt ka hisaab kya dun
jo tairay baghair kat gaya hai
maazi ki snaon kya kahani
lamha lamha guzar gaya hai
mat maang duayen jab mohabbat
tera mera maamla hai
ab tujh se jo rabt hai to itna
tera hi kkhuda mra kkhuda hai
ronay ko ab asshk bhi nahi hain
ya ishhq ko sabr aa gaya hai
ab kis ki talaash mein hain jhonkay
mein ne to diya bujha diya hai
kuch khail nahi hai ishhq karna
yeh zindagi bhar ka ruut jaga hai
ہر لمحہ اگر گریز پا ہے
تو کیوں مرے دل میں بس گیا ہے
چلمن میں گلاب سنبھل رہا ہے
یہ تو ہے کہ شوخی صبا ہے
جھکتی نظریں بتا رہی ہیں
میرے لیے تو بھی سوچتا ہے
میں تیرے کہے سے چپ ہوں لیکن
چپ بھی تو بیان مدعا ہے
ہر دیس کی اپنی اپنی بولی
صحرا کا سکوت بھی صدا ہے
اک عمر کے بعد مسکرا کر
تو نے تو مجھے رلا دیا ہے
اس وقت کا حساب کیا دوں
جو تیرے بغیر کٹ گیا ہے
ماضی کی سناؤں کیا کہانی
لمحہ لمحہ گزر گیا ہے
مت مانگ دعائیں جب محبت
تیرا میرا معاملہ ہے
اب تجھ سے جو ربط ہے تو اتنا
تیرا ہی خدا مرا خدا ہے
رونے کو اب اشک بھی نہیں ہیں
یا عشق کو صبر آ گیا ہے
اب کس کی تلاش میں ہیں جھونکے
میں نے تو دیا بجھا دیا ہے
کچھ کھیل نہیں ہے عشق کرنا
یہ زندگی بھر کا رت جگا ہے
