بجلی کی قیمتوں میں اضافہ ، صارفین پر کتنے ارب کا اضافی بوجھ پڑے گا؟

Electricity Prices
05فروری2019
(فوٹو پاکستان ٹوڈے ڈاٹ کام ڈاٹ پی کے)

ویب ڈیسک : (اسلام آباد) نیشنل الیکٹرک پاورریگولیٹری اتھارٹی(نیپرا) نے دسمبرکے فیول ایڈجسٹمنٹ کی مد میں بجلی کی قیمتوں میں57پیسے فی یونٹ اضافے کا نوٹی فیکیشن جاری کردیاہے۔

بجلی کی قیمتوں میں اضافے پر نیپرا نے مؤقف اپنایاہے کہ دسمبر میں کوئلے اور آرایل این جی پلانٹ سے مقررہ بجلی پیدانہ کی جاسکی ، جس کی وجہ سے اخراجات میں اضافہ ہواجسے فیول ایڈجسٹمنٹ سے پورا کیاجائیگا۔

نیپرا حکام کا مزید کہناتھاکہ کوئلے اور آرایل این جی پلانٹس چلائے جاتے تو صارفین کو پانچ سے چھ پیسے فی یونٹ سستی بجلی دستیاب ہوتی ۔قیمتوں میں اضافے کے حکومتی فیصلے سے صارفین پر 4ارب20کروڑ
روپے کا اضافی بوجھ پڑیگا۔

واضح رہے کہ کے الیکٹراک ، لائف لائن اور زرعی صارفین کو قیمتوں میں اضافے سے استثنیٰ حاصل ہوگا۔

Facebook Comments