اب تک کی سب سے بڑی خبر ، فوج نے حکومت کا تختہ الٹ دیا

Marshal Law
26جنوری2022
( فوٹو: انٹرنیٹ )

ویب ڈیسک: ( اردو گرام آنلائن ) برکینا فاسو میں فوج نے صدر کا تختہ الٹ کر اقتدارپر قبضہ کرلیا ہے۔ فوجی قبضے کے ساتھ ہی حکومت اور پارلیمنٹ تحلیل کردی گئی ہے۔

انٹرنیشنل میڈیا کے مطابق مغربی افریقی ملک برکینا فاسو میں فوج نے صدر روچ کابورے کی حکومت کا تختہ الٹ کر اقتدار پر قبضہ کرلیا ہے۔ اقتدار پر قبضہ کرنے کے بعد جاری کردہ بیان میں فوج کیجانب سے کہا گیا ہے کہ ملک کی تمام سرحدیں بند کردی گئی ہیں۔لک کے ٹی وی پر فوج کی جانب سے کیے جانے والے اعلان میں کہا گیا ہے کہ تحویل میں لیے گئے تمام افراد محفوظ ہیں لیکن تاحال یہ نہیں بتایا گیا کہ صدر روچ کا بورے جن کی حکومت کا تختہ الٹا گیا ہے وہ کہاں اور کس حال میں ہیں؟

برکینا فاسو میں فوج نے ٹی وی پر یہ اعلان بھی کیا ہے کہ مناسب وقت پر ملکی آئین کی طرف واپس آئیں گے لیکن اس میں بھی وقت کا تعین نہیں کیا گیا ہے کہ واپسی کب ہو گی۔

Facebook Comments