چار جڑواں بہنوں کا میٹرک کے سالانہ امتحانات میں انوکھا کارنامہ

Girls in Classromm
21جولائی2019
(فوٹو فائل)

ویب ڈیسک: (مقبوضہ بیت المقدس) فلسطین کے مقبوضہ بیت المقدس کے جنوبی علاقے ام طوبا سے تعلق رکھنے والی چار جڑواں بہنوں نے میٹرک کے سالانہ امتحانات میں شاندار کامیابی حاصل کر کے اپنے مریض والد کو ایک نیا حوصلہ دیا ہے۔

میڈیارپورٹس کے مطابق میٹرک کے امتحانات دینے والی چاروں بہنوں نے نتائج سے قبل آخری رات سخت اضطراب کے عالم میں گزاری تاہم نتائج کا اعلان ہوتے ہی ان کی اور ان کے والدین کی خوشی کی انتہا نہ رہی۔

چاروں بہنوں نے سائنس کے مضامین میں 91 سے 94 فی صد تک نمبرات حاصل کیے۔ دینا نے 94، سوزان نے 92 اعشاریہ ایک، رزان نے 91 اعشاریہ 4 اور دیما نے 91 اعشاریہ ایک نمبر لے کربہترین پوزیشن حاصل کی۔ میٹرک میں شاندار کامیابی حاصل کرنے والی ان بہنوں کو مقامی فلسطینیوں کی طرف سے امتحانات میں شاندار کامیابی پر مبارک باد کے پیغامات موصول ہو رہے ہیں۔

ان لڑکیوں کے والد 55 سالہ الشنیطی ایک سال قبل ذیابیطس اور گردوں کے مرض میں مبتلا ہونے کے باعث کام کاج سے محروم ہوگئے تھے، جس کے بعد سے یہ گھرانہ نامساعد حالات کا شکار ہے۔

Facebook Comments