دنیا کے سب سے لمبے سینگوں والے بیل کو گنیز بک آف دی ورلڈ ریکارڈز میں شامل کر لیا گیا

20جون2019
(فوٹو اسکرین گریب)

ویب ڈیسک: (الباما) امریکا کے ایک دیہات میں موجود بیل کو گنیز بک آف ورلڈ ریکارڈ نے دنیا کا سب سے دراز سینگوں والا بیل تسلیم کر لیا ہے۔

تفصیلات کے مطابق 6 سالہ بیل کا نام پونچو ویا ہے اور یہ اس وقت ایک چھوٹے سے دیہات گڈ واٹر کے ایک فارم پر موجود ہے۔ ایک کنارے سےدوسرے کنارے تک اس کے سینگوں کی لمبائی 10 فٹ 7.4 انچ کے قریب ہے جس کی پرورش ایک کسان خاندان نے کی ہے جو پوپ فیملی کے نام سے مشہور ہے۔ خاندان کے سربراہ کو دیگر بڑے سینگوں والی گائیں اور بیل دیکھ کر شوق ہوا کہ کسی طرح ان کے گھر بھی بڑے سینگوں والا کوئی جانور لایا جائے اور یوں پونچو کو 6 ماہ کی عمر میں فارم تک لایا گیا۔ یہ بیل ایسی نسل سے تعلق رکھتا تھا جس کے بڑے بڑے سینگ ہوتے ہیں۔

کچھ روز بعد گھر میں مو نامی ایک اور بڑے سینگوں والا بیل لایا گیا اور ان دونوں کےدرمیان طویل سینگوں کا مقابلہ شروع ہوگیا، لیکن حیرت انگیز طور پر پونچو ویا کے سینگ بہت برق رفتاری سے بڑھے لیکن حیرت انگیز طور پر وہ مڑے نہیں بلکہ قدرے سیدھے رہے۔ صرف اس سال اپریل سے مئی کے دوران اس کے سینگوں کی لمبائی میں نصف انچ کا اضافہ ہوا ہے۔

مذکورہ بیل کے مالکان کہتے ہیں کہ یہ جانور بہت ذہین ہے اور گھومتے پھرتے وقت اپنے سینگوں اور رکاوٹوں کا خیال رکھتا ہے۔ یہاں تک کہ گھنی جھاڑیوں سے گزرتے ہوئے بھی ممکنہ رکاوٹوں کا احساس رکھتا ہے اور وزن بڑھنے کے باوجود چلتے وقت اپنے سینگوں کے کناروں کا خیال رکھتا ہے۔ اس سال اکتوبر میں اس کی عمر 7 برس ہوجائے گی اور ماہرین کے مطابق اس کے سینگ مسلسل بڑھتے رہیں گے تاہم عمر کے آخری حصے میں ان کی نشوونما رک جائے گی۔

Facebook Comments