آنسو بہانا وزن کم کرنے اور دل کے سکون کا باعث ہے

Eyes
01مئی2019
فوٹو بشکریہ گوگل

ویب ڈیسک: سائنس دانوں کا خیال ہے آنسو بہانا وزن کم کرنے اور دل کے سکون کا باعث ہے، ایک شخص اپنی زندگی میں اوسطاً 16.5 گیلن ( 70 لیٹر سے زیادہ)آنسو بہاتا ہے ۔

کچھ لوگ ایسے بھی ہوتے ہیں جو اپنے جذبات اور آنسوؤں کو چھپا کر رکھتے ہیں اور اشک بہانے پر شرمندگی محسوس کرتے ہیں۔ لیکن اگر آپ کو یہ بتایا جائے تو کیا ہوگا کہ جذبات پر قابو نہ پا کر اگر روئیں تو وزن بڑھنے کا امکان کم ہو جاتا ہے؟ ۔

جی ہاں! تحقیق سے یہ بات سامنے آئی ہے کہ محبوب کی جدائی میں رونے والے افراد کا وزن دکھ سے کم ہو جاتا ہے۔ تحقیق کے مطابق، جذبات پر قابو نہ پا کر رونے والے افراد کے آنسوؤں میں مخصوص ہارمونز خارج ہوتے ہیں جو کارٹیسول کی سطح کو بڑھا دیتا ہے، انہیں پرولیکٹن، لیو اینکفلن اور ایڈرینو کورٹیکو ٹروپن(اے سی ٹی ایچ)کہا جاتا ہے۔یہ تمام ہارمونز اس وقت پیدا ہوتے ہیں جب ہم شدید دباؤ کا شکار ہوتے ہیں، ان ہی سے ہمارا وزن کم ہوتا ہے اور دل کو سکون بھی ملتا ہے۔

رونے کے لیے بہتر وقت شام سات سے رات 10 بجے تک ہے۔ یہ وہ وقت ہے جب لوگ اپنے محبوب کےساتھ ہوتے ہیں یا اپنی پسندیدہ فلم دیکھتے ہیں جو انہیں رونے پر مجبور کر دیتی ہے۔ لہذا اگر آپ کا ریلیشن شپ ختم ہو چکا ہے اور آپ مشکل وقت سے گزر رہے ہیں تو دل کی بھڑاس نکالیں۔ دل کھول کر رونے سے بوجھ کم ہو جاتا ہے اور اس عمل سے ہمیں اپنے ذہن کو سکون دینے اور نئی شروعات کرنے کا موقع بھی ملتا ہے۔

Facebook Comments