افسوسناک خبر، پاکستان میں نئے وائرس “اومی کرون” کا پہلا کیس سامنے آ گیا

Omicron variant
09دسمبر2021
( فوٹو: انٹرنیٹ )

ویب ڈیسک: ( کراچی ) دنیا بھر میں پھیلا کورونا کا خطرناک ویرینٹ اومی کرون کا پہلا کیس پاکستان میں بھی رپورٹ ہو گیا۔

محکمہ صحت سندھ کے مطابق اومی کرون کا کیس کراچی کے ایک نجی اسپتال میں رپورٹ ہوا۔محکمہ صحت سندھ کے حکام کا کہنا ہے کہ متاثرہ خاتون بیرون ملک سے آئی ہیں اور کورونا پازیٹو ہیں، متاثرہ خاتون نجی اسپتال میں زیر علاج ہیں۔حکام محکمہ صحت سندھ کے مطابق نجی اسپتال سے متاثرہ خاتون کی ٹریول ہسٹری معلوم کی جا رہی ہے، خاتون کی کانٹیکٹ ٹریسنگ کی بھی کوشش کی جا رہی ہے۔متاثرہ خاتون کی ٹریول ہسٹری معلوم کی جا رہی ہے: پارلیمانی سیکرٹری صحت پارلیمانی سیکرٹری صحت قاسم سومرو کا کہنا ہے کہ اومی کرون ویرینٹ کا پاس پہلا ٹیسٹ مثبت آیا ہے، متاثرہ خاتون کے رشتے داروں اور ملنے والوں کا کورونا ٹیسٹ ہو گا۔

قاسم سومرو کا بتانا ہے کہ انٹرنیشنل فلائٹس کھلی ہونے کے باعث اومی کرون ویرینٹ کا ہونا ظاہر تھا، عالمی سطح پر اومی کرون کے بعض کیسز میں پی سی آر ٹیسٹ پازیٹو نہیں تھے۔پارلیمانی سیکرٹری صحت سندھ کا کہنا ہے کہ کورونا وائرس کا نیا ویرینٹ بہت زیادہ تغیر پزیر (Mutated) ہے جبکہ ہمارے پاس پی سی آر کٹس ڈیلٹا ویرینٹ پر فوکسڈ ہیں۔

Facebook Comments