اگر آپ خواتین کو کم عقل سمجھتے ہیں تو یہ آپکی غلط فہمی ہے! جانیئے ایک نئی تحقیقی رپورٹ

10جولائی2019
(فوٹو فائل)

ویب ڈیسک: اگر آپ بھی پرانے زمانے کے ان خیالات پر یقین رکھتے ہیں کہ خواتین کم عقل ہوتی ہیں؟ تو پھر آپ کیلئے بری خبر ہے کہ سائنس نے ثابت کر دیا ہے کہ خواتین کا دماغ مردوں سے زیادہ فعال ہوتا ہے۔

تفصیلات کے مطابق امریکی ریاست کیلیفورنیا میں کی جانے والی ایک تحقیق میں بتایا گیا ہے کہ خواتین مردوں سے زیادہ فعال دماغ رکھتی ہیں اور یہی وجہ ہے کہ وہ مردوں سے زیادہ ڈپریشن، اینزائٹی اور ذہنی امراض کا شکار ہوتی ہیں۔ اس تحقیق کیلئے 46 ہزار مرد و خواتین کے دماغوں کا اسکین کیا گیا۔

تحقیق کے دوران مختلف مشقوں کے ذریعے معلوم ہوا کہ خواتین کے دماغ کے وہ حصے مردوں سے زیادہ فعال ہوتے ہیں جو جذبات پیدا کرنے کا سبب بنتے ہیں یہی وجہ ہے کہ وہ جذبات کے اظہار کے معاملے میں آگے ہوتی ہیں۔

ماہرین کا کہنا ہے کہ خواتین کے دماغ کے ان حصوں میں خون کی روانی بہتر ہوتی ہے یہی وجہ ہے کہ یہ حصے بہتر کام کرتے ہیں۔

تحقیق میں یہ بھی دیکھا گیا کہ ان مخصوص حصوں کے برعکس دیگر دوسرے حصے مردوں میں زیادہ فعال پائے گئے جبکہ دماغ کے کچھ حصے ایسے تھے جو مرد و خواتین میں یکساں طور پر کام کرتے ہیں۔

Facebook Comments