ودہولڈنگ ٹیکسز ختم کرو، وزیراعظم نے ہدایت کر دی

Imran Khan
22اکتوبر2020
(فوٹو فائل)

ویب ڈیسک: (اسلام آباد) وزیراعظم عمران خان نے فیڈرل بورڈ آف ریونیو اور ٹیکس کے نظام میں ٹیکنالوجی متعارف کروانے کی ہدایت کرتے ہوئے کہا ہےکہ غیر ضروری ودہولڈنگ ٹیکسز کے خاتمے پر خصوصی توجہ دی جائے۔

تفصیلات کے مطابق وزیراعظم عمران خان کی زیر صدارت اجلاس ہوا جس میں ایف بی آر اور ٹیکس کے نظام میں اصلاحات پر بریفنگ دی گئی، معاون خصوصی ڈاکٹر وقار مسعود نے وزیر اعظم کوتفصیلی بریفنگ دی۔ اس موقع پر وزیراعظم نے کہا کہ ملکی معیشت کے استحکام کیلئےٹیکس بیس میں اضافہ کلیدی اہمیت کا حامل ہے، ایف بی آر کو جدید خطوط پر استوار کرنا حکومتی ترجیحات کا حصہ ہے۔

یہ بھی ملاحظہ کیجئے: عمران خان پاکستان کی تاریخ کا سب سے طاقتور اور سچا وزیر اعظم ہے! شیخ رشید

وزیراعظم نے ہدایت کی کہ ایف بی آر اور ٹیکس کے نظام میں ٹیکنالوجی متعارف کرائی جائے، غیرضروری ودہولڈنگ ٹیکسز کے خاتمے پر خصوصی توجہ دی جائے۔

وزیراعظم کا کہنا تھا کہ ٹیکس گزاروں کے لئے نظام خصوصاگوشواروں کا نظام آسان بنایا جائے، چھوٹی اور درمیانی درجے کی صنعتوں کا فروغ حکومت کی اولین ترجیح ہے، تاجروں کیلئےآسانیاں پیدا کرنے پر خصوصی توجہ دی جائے۔

Facebook Comments